劉鑾鴻（細劉）旗下利福國際（1212）早兩個月將利福地產（2138）控股權賣畀內地商人，細劉阿仔劉今晨順理成章，由利福地產過番去利福國際返工喇。
利福國際噚日宣佈，委任28歲嘅劉今晨做執董，即日生效，年薪240萬元，另有花紅。
查實劉今晨2015年底已經加入利福做部門經理，負責項目管理，舊年就做咗利福地產執董。聽聞佢喺利福國際負責項目發展，家姐劉今蟾就主力百貨業務，兩姐弟分工合作，幾好吖。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk