雖然今季馬會增編泥地賽事，但本港泥地頂級實力賽駒，仍然冇分級賽俾佢哋一展所長，最終惟有向外發展。
方嘉柏馬房前泥地明星馬「準備就緒」（已退役）當日就係苦無出路，而以遠征海外為目標。
「準備就緒」在港跑泥地1650米賽事，曾跨三季連續七戰不敗，評分直升至112分，其練馬師方嘉柏見香港冇賽程啱跑，就安排此駒造訪杜拜及日本，最終悉數落敗，最叻為於2016年3月杜拜麥通第三輪挑戰賽（一級賽泥地2000米）奪得亞軍。
此駒最終於今季2月因慢性骨科病症困擾，黯然退役收場，結束競賽生涯。
現年六歲的「準備就緒」經過接近三個月治療後，終於回復健康。馬主鄭鍾華隨之把「準備就緒」送返其出生地澳洲Barnawartha牧場安享晚年，親親大自然！