長實地產（1113）推售大型樓盤時，一向要準買家親自到場抽籤，唔聽銷監局建議提前一日公佈抽籤結果，於是乎，周不時出現萬人空巷排隊等買樓嘅虛冚場面。
準買家因而變慘慘豬，由朝到晚焗住坐喺張小圓凳上邊，坐到腰痛腳痺唔敢行開，驚中咗籤睇唔到，錯過揀樓機會，但最終，大把人只係白白齋坐一日，連張消耗表都見唔到。
長實「樓神」趙國雄可能見樓盤賣得好，心情亦靚，噚日喺新盤抽籤之前，突然衝入準買家等候區，好鬼nice咁四圍派水同三文治。
趙樓神之後又重提，買樓係「最佳親子活動」嘅言論，嗌住咪同全場準買家講：「即使抽唔到（樓），家庭成員都可以相聚一下、交流一下。一家人起埋一齊，融融洽洽，簡直愛到發燒呀！」
係呀，家陣大家都發燒了，長期40度㖭呀。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk