【ViuTV】將於後日播出的ViuTV節目《精裝送禮仔》訪問梁思浩，他在節目中大爆當年在無綫的黑幕。他早於86年加入無綫，即參與處境劇《城市故事》扮演「洗米華」一角彈出，多年留在娘家安份守己，及至04年無綫大裁員，他卻首當其衝首批被叮走，還被列入黑名單。離巢後，思浩過檔亞視、有線和now，甚至去港台開咪，及至12年到13年，有指無綫藝員科同事欲邀思浩回巢做主持，但礙於黑名單未除名，未能重返娘家。
講炒魷喊晒
節目中談到當年被炒魷原因，思浩喊晒口說：「因為有兩個高層嚟到之後，突然話炒我，我返工返咗十幾年冇遲過到，我做錯乜嘢。」思浩深感委屈，不禁再流淚，自覺在無綫18年，一直任勞任怨，無論公司派甚麼角色給他，他都接受，但偏偏落得如此下場。思浩於是向外闖，有指他口中的高層是仍在職的樂易玲及已轉職商台的陳志雲。
其實思浩當年被叮走，他曾致電樂易玲，對方只解釋因為他多年沒拍劇。思浩當年開記招大控訴，直插樂易玲：「我覺得樂小姐你點做電視㗎？我15年前先喺戲劇組……我做live show都超過一萬小時，但係佢睇電視都唔知夠唔夠一萬小時。」
思浩想當年更試過給早前榮休的金牌監製李添勝揶揄，「好出名嘅監製捉我去後巷，同我講『你知唔知我覺得你係乜嘢呀？垃圾呀。』」思浩被鬧不懂做戲，後來反省，多謝添哥當年「點醒」。思浩也感激沈殿霞的提攜，指有一年獲邀到肥姐家吃團年飯，肥姐夾東坡肉給他，令他感動到喊。記者昨致電思浩，他說：「我喺節目乜都講晒，其他唔再多講啦。」
採訪：陳杰