盛傳係林鄭政府嘅勞工及福利局局長羅致光（CK）噚日又出動，對係咪入熱廚房依舊唔回應，但身為長者安居協會創辦人嘅佢，對安老服務任講唔嬲，查實佢係宣佈協會今年7月推出跨境「平安鐘服務」，支援往返深圳嘅香港長者。
CK話家陣每日有逾2萬人次嘅香港長者往返中港兩地，亦有過萬名長者定居喺深圳，希望幫到呢班長者。協會已經同香港大學深圳醫院簽訂合作協議，感到不適嘅長者只要透過手機apps按動「平安掣」，就會接駁到協會中心熱線，中心會按需要轉介個案至港大深圳醫院，安排救護車將長者送院及傳送長者病歷等。服務收費每月約220元，視乎成效再檢討係咪要擴展至其他嘅廣東省城市，港大深圳醫院院長盧寵茂昨亦有出席。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk