【《蘋果》專訪】今年是六四28周年，香港被走近內地，藝人向北望搵人仔的同時，歌手吳彤跟音樂人周博賢早前為「六四舞台」的舞台劇《傷城記》製作主題曲《傷城故事》，他們早前接受本報訪問時，吳彤以「復仇」來形容這趟合作，他說：「15年前，我唱demo畀啲音樂人、歌手去揀歌，當時周博賢唔知首歌係我唱，佢笑住話『唱成咁嘅？』今次雖然只得兩星期去做歌，但我都逼佢要參與，自己做晒demo畀佢。」周博賢笑謂：「又唔係逼嘅，自己對六四事件仲好有感覺，好慶幸可以做到呢件事。」
「發現好多顧慮」
一場雨傘運動令香港藝人被標籤化、被封殺，多少令藝人越來越不敢發聲，吳彤說：「我2012、13年仲係全職藝人，當時我嘅演藝工作越嚟越有曙光，但就越嚟越冇辦法表達自己。當時好多內地登台，會發現好多顧慮，違背咗自己初衷，多人識咗，反而要諗點同工作、客戶交代，所以我最後決定轉做marketing。我唔會覺得係無奈嘅退後，只係每個人有自己嘅身份、位置，我從來唔係有野心要做天王，所以我揀咗一條自己行得舒服嘅路。」
批內地報寸文化
周博賢直指是娛樂圈有趣的現象：「89年係好本土，當時係娛樂圈嘅黃金時期，大家都冇乜牽掛去行出嚟。20年之後，內地嘅『報寸』文化，先有陳淨心，又有網上水軍攻擊，令藝人好大顧慮。」吳彤與周博賢認為得失對於每個人有不同解讀，至少他們為自己珍視的東西堅持，兩人直言現時民智未開，但至少引起更多年輕人關心社會很重要。
採訪、攝影：盧妹
髮型：Patrick Chan
場地提供：Ban Ban Studio