扒龍舟就睇得多，紙龍舟大家又見過未？6月2至4日喺中環海濱舉行嘅「生力啤酒節」，會有巨型紙龍舟登岸。香港創作人係1993年出世、畢業於理工大學嘅陳柏熹，佢將特製長4.8米嘅紙龍舟，望打破大家對「龍」嘅一貫想像，相信又會成為selfie熱點。
柏熹12歲開始接觸摺紙藝術，14歲創作摺紙作品「噴火飛龍」，獲美國摺紙藝術家賞識，並刊載於《Origami Worldwide》，至今已舉辦咗逾60場公開展覽同活動，係知名摺紙藝術家。
佢話12歲時都係無意中喺網上攞到份摺紙教學，俾日本人Satoshi Kamiya創作嘅一條Bahamut飛龍吸引，一開始都會覺得摺紙好複雜，造型方面用嘅時間往往比摺製更長；而令佢成名嘅「噴火飛龍」則經過差唔多4個月時間創作。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk