內地有冇黑哨問題，大家心中有數，但要勞煩國腳出面鬧球證「瞎眼狗」，就認真少見！全運會女足附加賽近日喺秦皇島舉行，其中一場出線大戰由山東女足對北京女足，比賽期間北京女足喺禁區內一次手球犯規未有吹罰，最終更憑補時階段入波以2:1擊敗山東女足。
曾經入選里約奧運女足初選名單嘅山東後衛楊曼，賽後就喺微博上載一段相關手球「低清」片段，據講因為當時冇電視直播所以只有咁嘅片…仲配以呢句「圖說」：一次又一次 真是惡心 四年送給這些瞎眼狗！相當嬲豬！據報山東女足今屆賽事已經唔係第一次「被黑」，難怪球迷會亦喺微博聲援楊曼，慨嘆誤判令四年努力被付諸東流。