楊明和女友莊思明（Lisa）拍拖兩年，經常在網上放閃晒恩愛，還公開互相認定對方是結婚對象，認真癡纏，不過以往感情生活混亂的楊明，曾跟不少圈內外女子傳緋聞，早排有周刊指他拍新劇《抱佣情人》時，背女友暗媾28歲貌似「白淨版Rosanne」的郭千瑜，最終獲莊思明投以信任一票。
楊明緋聞又何止一單，日前有讀者爆料，指楊明再背女友偷食，提供一張楊明半裸上身跟一名女子的合照，傳媒向楊明求證，他說：「大佬，呢個殷櫻嚟㗎喎，以前佢都係拍劇㗎，嗰日我哋成班去遊船河，Lisa都喺度，殷櫻都結咗婚有小朋友，希望唔好再傳呢啲嘢啦，影響到人就唔好啦！」
採訪：王梓嫚