葉翠翠昨日產後首次出席活動，為設計公司擔任代言人。早前被指搞網購騙財的翠翠，心情未受影響，她說：「都係得啖笑，反而令我多咗10,000幾個like，仲多咗客戶聯絡我做代言，呢個活動都係嗰件事之後先搵我，其實我仲開心。」極速收身的她笑謂還差6磅才回復未生前的體重。
問翠翠會否出書分享產後收身心得？她笑指湊仔已經太忙，幸得老公周曉東幫忙：「佢晚晚陪我起幾次身，換片、掃風，頭先仲車我嚟，又要返工，真係辛苦過我，所以未必搞百日宴，老公話太辛苦。」她透露囝囝已改名周津羲，英文名Jake，是老公親自改名：「見佢咁有心改，順吓佢意啦。」翠翠又透露希望兩年抱兩，積極收身後開始造人。
採訪：盧妹
攝影：陳順禎