今日係端午節假期，不過對於鬼佬嚟講似乎冇乜分別，毛里裘斯籍好手田泰安，依然現身沙田馬場積極操馬，佢七點四十分收操時候，在機坪遇上練馬師方嘉柏，方嘉柏即捉住安仔唔俾佢走，兩個人企喺欄邊傾咗五分鐘，動態非常積極。
禮拜三沙田夜賽，上述這對騎練本來合作第五場四班1200米泥地之「喜得龍」，兩人話題必在此駒身上，此駒上仗谷草千二米跑第二走勢佳，近況出色，復課進一步落力操練，加上本身兩次贏馬都係泥地千二米，路程最有根據。可惜早上近11時左右，「喜得龍」突然因左前腿不良於行問題，宣佈退出，可謂嘥晒方嘉柏一番心機備戰。