陳瀅昨日到銅鑼灣為咖啡活動任評判，試飲後更餵男粉絲飲自己試完的咖啡，令對方開心面紅。陳瀅笑謂細個已經與朋友一杯飲品兩份飲，問她即間接與好多人錫錫？她尷尬謂：「都係㗎！試過偷偷地飲暗戀嘅男仔嗰杯嘢飲，其實都幾sweet，拍拖嗰陣兩份飲嘢都係情趣。」
至於可有收過變態粉絲來信？陳瀅說：「咁又冇，嗰時寫真有送過唇印。我日前收到fans好sweet嘅來信，話好支持我，仲寄咗本寫真叫我簽番名畀佢。」有傳好友兼同屋主何雁詩將與男友鄭俊弘於西貢同居？陳瀅謂：「所以要努力搵錢囉，佢搬返去同爸媽住啫，我有去佢大埔屋企搵過佢，佢係咪搬去西貢我就唔知。」
採訪：盧妹
攝影：陳慧安