今期(31日)沙田全地泥地夜賽，其中第七場二班1650米，只得10駒列陣，但大馬主蕭百君一家，已佔了三駒，分別是蕭百君名下的「勢必跑」，大仔蕭劍平的「雲呢拿」，以及細仔蕭劍新的「馬克羅斯」。
上述三駒中，以由方嘉柏訓練，雷神莫雷拉壓陣的「雲呢拿」近績最可靠，近三戰均贏泥地，在港累積已七勝泥地賽。
蕭劍平說：「大家都知道高班泥地賽程編排不多，今場是季內最後一場泥地二班一哩賽，由於路程、場地都合『雲呢拿』發揮，所以方嘉柏為此馬報爭今場。其實自從『雲呢拿』大前仗贏十個馬位加14分後，我已經唔識點評論此馬。牠好喜歡跑泥地，一哩及千八米都贏過，不時有驚喜表現，今戰泥地一哩很合發揮，希望再有好表現。」
「雲呢拿」已七歲，表面只是一匹普通二班馬，未達級際賽水平，但今年1月18日在四班泥地1800米，大勝亞軍「金龍」十個馬位，創出近19年來贏最遠的香港紀錄。而上仗4月23日泥地三班1800米，牠的勝出時間1分47秒08，打破2015年3月25日「兵工闖」所造之1分47秒53舊沙田泥地1800米全港紀錄時間，可見厲害。