何超蓮昨日到銅鑼灣時代廣場出席「Smile with us HK」活動，透bra兼晒腿的她與團隊趁端午節向市民派綠茶、解茶，發放正能量，她坦言香港太物質：「好多人做嘢唔開心，我覺得開唔開心係態度，好多人會話我係富二代梗開心，當然我係好幸運，所以我想用自己影響力同關係，令大家可以免費得到一啲開心。」
提到超蓮早前於布吉旅行時罕有晒性感泳照，問為何突然派「軍糧」𠱁網友開心？她笑指朋友不小心甫相：「我自己背脊嗰張好健康呀，大家講到我好似甫裸照咁，我驚媽咪唔開心，佢比較保守，難得佢冇話我。」她表示平日愛男仔頭打扮，以後會更保守：「頸以下嗰啲唔甫㗎啦。」
採訪：盧妹
攝影：沈健程
