國泰（293）花名甚多，「因管理不善而從全球最佳航空公司排名榜節節下跌的」、「經歷嚴重虧損的」、「去年錄得近6億元虧損的國泰航空」等等，好耐未見過國泰有好事，國泰就如ICAC，同樣因為高層而捐軀、名已臭。
香港本土航空公司賣得就賣，執得就執，得返國泰，部份航線，香港人想全程「同聲同氣」，真係無得揀。今日家中長輩人生第一次單人匹馬搭飛機去楓葉國探親，全程12個鐘兼加拿大入境，想有香港空姐、地勤幫手，不過原來太高估國泰。
一早網上check in完，去到國泰想self bag drop，拎住有special assistance 嘅boarding pass問左4、5個地勤，居然無人知點做，似乎唔知張pass做咩嘢，而且無人有意圖協助。
一班仔女諗住國泰係香港地頭蟲，處處最方便，實無死，最緊要同聲同氣，貴一貴都買國泰。
「因航」服務已經唔見好，價錢又冇優勢。香港航空呢排仲越踩越埋，長途線都做埋，下個月就會首航溫哥華，上港航是但搵個平日格下價，嘩，港航平幾千蚊！「因航」再唔改善管理、服務，就算再炒多600人都好難起死回生，相信只有被人買起嘅命運。
Melody
http://www.facebook.com/whichroad
本欄逢周三刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk