正所謂「無官一身輕」，預告7.1後離開熱廚房嘅商務及經濟發展局局長蘇錦樑，難免風騷到不得了，近期積極出席活動，為告別添馬艦留個大團圓結局，噚日佢仲滿面笑容咁出席沙田城門河嘅龍舟賽。
雖然人走茶涼，但距離7.1始終仲有一個月，各大政團亦把握最後機會，向呢位夕陽局長請願，其中更包括佢嘅民建聯黨友立法會議員葛珮帆，拉隊到場「贈㷫」，要求政府立法加強規管人對人促銷電話，新民黨同公民力量則對當局喺冇諮詢區議會意見下引入GoBee.Bike單車共享服務極度失望，不滿單車違泊嚴重，影響沙田居民，唔知佢卸任前可唔可以擺平呢件事呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk