練瑜伽減5吋腰王馨平中門大開美乳有辦睇

練瑜伽減5吋腰
王馨平中門大開美乳有辦睇

王馨平苦練瑜伽4年,學咗至少200個鐘,每朝7 點上堂,做2~3個鐘體力訓練,早前終於考到瑜伽教練牌,仲教大家3招收肚腩迎炎夏。

王馨平之前受訪時講過,學瑜珈嘅初衷係為咗身體健康,並唔係為咗瘦身,不過效果出到嚟好顯著,着衫細兩個碼,又減咗5吋腰。佢仲話做瑜伽有拉提作用,肌肉會結實咗,可以堅挺臀部同胸部,即係可以改善女士身體曲線囉。

齋講可信度就唔夠嘅,王馨平有實際例子示範過俾大家睇。以往係寶麗金七小花嘅王馨平,絕對係玉女一名,靠歌聲俘虜fans,不過佢喺今年3月佢為《博愛歡樂傳萬家》籌款,除咗唱番《別問我是誰》之外,最令人驚訝嘅係佢嗰件中門大開戰衣,視覺效果令人眼前一亮,以行動話你知,就算已經47歲,依然可以好弗。

苦練4年真係唔係白費,keep fit呢家嘢,真係少啲耐力都唔得!