舞姿贏羅志祥70歲秋官開Part 2再跳

舞姿贏羅志祥
70歲秋官開Part 2再跳

鄭少秋前晚在紅館舉行尾場個唱,一起演出《大時代》的孝蟹邵仲衡、益蟹陶大宇和利蟹郭政鴻齊撐丁蟹鄭少秋,還有一連兩晚任嘉賓的愛女欣宜,秋官說:「今晚就好喇,有女又有仔。」他並帶領全場萬人為昨日30歲生日的欣宜唱生日歌,搞到愛女眼濕濕。

秋官苦練兩個月,舞姿獲讚勁過羅志祥。

羅志祥 資料圖片

欣宜前晚獲現場觀眾賀生日,搞到眼濕濕。

大宇自爆手緊

三蟹出現,不停大讚老竇丁蟹,秋官問三個仔不見人,是否發了達?郭政鴻笑說:「呢二十幾年嚟真係犀利,呢兩個真係不孝呀,咁多年嚟我起碼同你拍咗套《桌球天王》,陶大宇就喺新加坡好犀利。」陶大宇接着說:「唔好睇我哋四四正正,其實我哋不知幾坎坷,真係㗎,半夜三更都走上嚟開工,好明顯啦,我𠵱家好手緊。」邵仲衡自稱周遊列國、作奸犯科,之後郭政鴻踢爆:「其實佢拍完《大時代》之後已經唔做戲,做老細,飛黃騰達喇!」
演唱會結束後,秋官在慶功宴感謝老婆照顧他,又指會有part 2,同時大讚欣宜推工作撐自己:「佢聽日好忙,約咗佢後日食飯,佢推晒所有嘢來捧我場,佢咁乖,我就開心。」提到三隻蟹仔,秋官指三個仔屬不同電視台,不知道何時可再合作。

三蟹做嘉賓,秋官(左二)感嘆不知何時可在電視上合作。

秋官兩場個唱氣氛熱烈,揚言會再開。

完咗先敢唞氣

70歲秋官勁歌熱舞,被指勁過37歲羅志祥,秋官笑笑口說:「由3月開始逐啲練,講真唱到好『行』咁跳舞嘅話,每次練習會好吃力,所以諗吓點樣偷雞。」他表示跳舞和唱歌用的力不同:「我『chur』你哋唔知箒,演唱會唱嘅歌都幾喘㗎,encore仲要唱《火燒圓明園》,好難唱㗎,𠵱家捱過都唞啖氣,回想番都幾吃力,有你哋咁講,我就有信心繼續跳落去!」
採訪:馬建華
攝影:葉君海