唔少人嘅端午節活動可能係睇龍舟賽，但民主黨立法會議員鄺俊宇噚日就走上大帽山，原來係去茶水亭探蓮姐。蓮姐早前被投訴冇領取食物牌，唔可以再提供熱食，鄺神就分別去信食環署同漁護署署長要求跟進，噚日趁機了解進展兼為蓮姐打氣。
鄺神話去信食環署後，署方已經派員同蓮姐嘅代表會面，並提出一啲發牌方案，但鄺神都有啲擔心，話署方只提出口頭方案，冇白紙黑字紀錄，所以會約見食環署跟進，重申事件反映當局政策僵化，「茶水亭竟然因為漁護署唔安裝水錶而唔能夠申請食物牌照？」
行開山嘅鄺神話，呢件事牽連好多行山友，望蓮姐盡快獲發牌，等行山友繼續有熱嘢食。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk