【本報訊】「我其實係普通嘅香港巿民，最想有多啲時間瞓多陣」，身為資深大律師、又是現屆大律師公會主席，鎂光燈下的林定國多番提及只是普通市民，「同一般人一樣，我都係好鍾意旅行同食嘢，亦會行街、睇戲、食飯」；像他也像你和我，緊張鏡頭下的賣相，「覺得上鏡好肥」。
49歲的林是香港華仁舊生，同屆同學有歌手李克勤，與對方不稔熟，但最近亦應邀重返母校出席對方入行30周年紀念演唱會，「可以近距離聽歌，仲有折頭呀！」港大法律系畢業，26歲結婚，律師太太是港大同學，據聞不時在金鐘太古廣場撐枱腳，林笑瞇瞇稱：「想刺激消費吖嘛！」
「吱吱喳喳先有官司打」
1992年開始執業，2013年成為資深大律師，辦公室內除放有婚照，亦掛有幾幅水墨畫，包括吳冠中畫作的複製品。畫作主題不一，主角無異，「有啲八卦人話，做大律師要有雀仔喺間房度，因為吱吱喳喳先有官司打、即係生意旺啲，所以（啲畫）全部都有雀仔㗎！」
掛上搶眼的「錢」字書法，是否亦因為「八卦」？原來與師傅陳志海有關，指陳的辦公室掛有相若書法，「佢嗰幅大過呢幅10倍，所以佢有錢過我唔只10倍，我呢個好細，因為我少錢」，他指是在中藝結業搬遷時購買，「冇減價我唔會買㗎」，但價錢已經忘記，強調純粹因為內容有趣，「寫住錢係『智慧的結晶，能力的證明』，咁會令到一個巿儈嘅人賺錢時心安理得啲」。
■記者許偉賢
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk