【本報訊】「我哋呢度整杯奶茶、我啲碗皮蛋瘦肉粥，可以話畀你聽，我贏晒成個東京。」香港人楊官華（Alex）今年3月在新宿開了港式「華記茶餐廳」，將一杯正宗港式奶茶帶到東京，其實又是香港土地問題。
Alex表示，開店念頭來自樓市辣招。他在香港經營地產代理20多年，早於7年前，旗下就有20多間地產代理舖。但到2010年起，港府不斷推出辣招，辣到成交量大縮，機緣巧合下，2013年到日本發展代理業務，一做就做到現在。至於緣何搞副業、開舖做「茶仔」，Alex坦言，「其實日本嘢呢，你間唔中食吓係非常之好食，但如果你日日食魚生，或者日日食拉麵，始終唔係好慣」。
成香港人聚腳地
他又提到一個文化差異問題，有一次與公司同事慶祝生日，到餐廳吃飯，「諗住拎個蛋糕出嚟切，但俾侍應制止，佢覺得你騷擾到人哋，咁佢就冇錯嘅，但好掃興嘛」。
思鄉病發，加上想讓同事有個食飯聚腳的地方，令他決心要開一間堅持港人港味的茶餐廳，「要做到高水準嘅港式茶仔，食材絕唔可以馬虎，一杯絲襪奶茶，黑白淡奶同茶膽嘅完美配合，更加係靈魂所在。我哋只能夠螞蟻搬家咁，我哋做不動產，每個禮拜都有同事帶啲客過嚟睇樓，會幫我哋帶啲黑白奶過嚟」。
有食材並不夠，更要調校奶茶味道，「我哋試咗幾多次呀，飲到我都胃痛，如果我𠵱家畀你飲七、八杯，你都頂唔順啦，但為咗要試到個品質係啱」。就連雲吞麵湯底，他堅持要在香港買大地魚返日本熬，而細緻至公雞杯碟，都是由香港送過去。憑一份對味道的執着，華記由原本當員工飯堂的初衷，慢慢變成當地香港人的眾腳地，「好多人坐兩個鐘頭車，專登嚟食一碗雲吞麵或者一碗皮蛋瘦肉粥、一碟腸粉，同埋呢度個個都識講廣東話，好有親切感」。
目前餐廳下午以日本食客居多，夜晚則香港人較多。Alex指茶餐廳副業不用蝕錢，更計劃下個月在東京多開兩間分店，加入更多港式特色食物，例如菠蘿包及蛋撻等。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk