第一家庭即將換角，近期甚少公開露面嘅現屆梁特次女梁齊昕，7.1前再出動，佢喺Instagram上載同愛犬嘅合照，戴住黑超嘅佢用雙手抱起愛犬，有啲吃力咁話：「Can't carry my heavy baby anymore!」
早排暴脹嘅佢仲上載一張翻拍螢幕嘅性感出浴照（圖），但冇標明幾時影，敏感部位當然被遮蓋，露出嘅玉背同手臂就可見佢嘅鎖骨附近瘦到凹陷。翻睇舊照，齊昕都自覺當時太瘦，「記得那時還覺得自己很肥」，但張相𠵱家已經刪咗。
舊年9月齊昕曾向雜誌透露，之前因為貪靚努力減肥，試過瘦到84磅，自己「沖涼嗰陣都嚇親」，「得棚骨咁樣」，按醫生指示服用抗抑鬱藥，知道服藥會令身形發脹同水腫，但為健康着想都有服藥。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk