阿仙奴上周六贏到英足盃，領隊雲格續約都基本已成事實，阿仙奴周二將召開董事會，大股東高安基就會席間提出同雲格續約兩年，最遲周四落實；不過反雲黨唔使失望，兵工廠都唔係冇諗過改革，甚至想減少雲格嘅權力，其中一點就係成立足球總監，但據報總監都仲係under雲格，主要都係提供球員賣買同數據分析，收購權都仍然喺雲格度。