44歲嘅吳綺莉自從囡囡卓林從3月底報警稱被其母恐嚇，之後離家出走，一度入院，情緒低落，不時喺社交網站貼圖寫字以抒愁情，昨日亦喺微博寫道：「每天都在學習做一個好些的媽媽，求天父給我智慧。」其實到目前為止，兩母女關係仍未和好如初，令吳綺莉愁眉不展，昨日有報道影到吳綺莉日前同朋友喺中環蘇豪區借酒澆愁。
報道指鬱鬱寡歡嘅吳綺莉日前夜晚十點幾就被人影到同朋友一齊落左去酒吧林立嘅中環蘇豪區四處游蕩，當晚佢戴住口罩，但係都睇得佢都愁眉深鎖心事重重，所幸有朋友陪同都叫做有個訴苦對象。每當有途人路過事吳綺莉都會頭耷耷怕被人認出，行左一陣之後兩人搵到間酒吧，由朋友出面入內探路，不過最後大概唔太岩心水所以朋友出嚟同吳綺莉講左兩句就一齊離開。其後佢哋仲對2間酒吧及餐廳有興趣，不過可惜最後都係齋問冇入內幫襯，最後兩人敗興而歸，一齊上車走人。