劉愷威破冰鎅手楊冪晒白滑長腿 似冇着褲

劉愷威破冰鎅手
楊冪晒白滑長腿 似冇着褲

劉愷威同楊冪呢兩公婆,拍拖時好似甜黐豆咁,婚後生完囡囡小糯米,二人就聚少離多,冇再喺微博公開放閃,一直傳佢哋感情着紅燈,不過《蘋果》早前爆佢哋罕有合體出席囡囡間學校搞嘅陸運會,夫妻關係「撲朔迷離」,日前有報道影到劉愷威帶小糯米同爸爸劉丹去西貢睇樓,楊冪都冇同行,o依家喺大陸吸金力強嘅劉愷威,仲以6千萬豪掃兩個單位。

楊冪昨日清晨現身南京機場,身穿黑色衛衣、戴紅色棒球帽,由於楊冪着咗條熱褲,令張相睇落楊冪好似下身冇着褲咁,趁機大騷白淨長腿!

而劉愷威大前日就去咗武漢出席活動,全程笑容滿面,喺活動上要扑塊冰,冰塊整到右手,晚上坐飛機去深圳機場,未知係唔係心急返屋企陪小糯米呢!?