要求平反六四同追究屠城責任嘅聲音，28年嚟一直被打壓，但咁多年嚟持續響亮，勢估唔到六四前夕，白色恐怖蔓延至facebook？話說教協總幹事馮家強日前喺facebook製作六四相框（圖），有「六四廿八」、「結束專政」、「平反」等字眼，卻被fb以「特效框帶有貶低、威脅、或攻擊特定對象、法人、民族或團體的內容」為由被刪。
六四大頭貼相框無端被刪，馮家強反問：「因為貶低中共要它結束專政冇工開，讓中共的玻璃心碎了？」佢質疑過去很多議題都能製作特效框，點解六四議題卻不能？好難唔令人聯想到政治因素，希望fb畀個合理交代。
發言人：錯誤地拒絕
事件被傳媒廣泛報道後，馮家強噚日朝早發現相框「翻生」，可以使用，仲呼籲大家快啲用於fb頭像。facebook發言人證實，早前唔小心錯誤地拒絕批准呢款框架，已就事件通知受影響用戶及致歉。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk