周日葡盃決賽賓菲加對甘馬雷斯，賽會搞搞新意思，出動「綠魔」搞邊科？賽前兩隊球員已經準備就緒，不過球證仍然兩手空空，個波呢？呢個時候，場邊有位裝備似足《蜘蛛俠》入面綠魔嘅特技演員手持皮球，企喺一架飛行器上飛過嚟（圖），將個波交畀球證。最終賓菲加憑魯爾占美尼斯同伊度亞度沙維奧各入一粒險勝2:1封王，第11次成為葡超葡盃雙料冠軍。