噚日喺Ig，你會發現有唔少藝人明星，不約而同個鼻都變成大大個紅色小丑鼻，當中包括阿Sa蔡卓妍、方力申、何超蓮、張繼聰、胡杏兒等。 原來小丑默劇《下雪了 - 斯拉法的布蘭詩歌》即將到香港演出！小丑大師Slava呼籲網民參加紅鼻子節，以幫助第三國家嘅小朋友！ 點先可以做善事？其實係要喺o依家至下個月1日，喺社交網站放上一張紅鼻子照片，tag呢齣小丑默劇個名，再tag 三個朋友，呢齣默劇嘅主辦單位，就會捐HK$100俾慈善機構。做善事，就係舉手之勞咁簡單！