黃氏姊妹一門四傑，最出名就梗係細妹黃心穎啦！係大台港姐亞軍，最近仲同馬國明傳緋聞，又豪擲千萬買樓住。不過佢家姐都唔輸蝕o架！
身為大家姐今年35歲嘅黃心美，喺網上非常之咁有人氣，其實佢早年喺加拿大已經被發掘做電視台節目主持，佢仲喺2006年回流香港，當年佢仲被唱片公司睇中簽約做歌手，不過最後都係被安排做娛樂主播。做唔成歌手黃心美曾經喺台灣生活過一段時間，仲同台灣嘅圈外男友Thomas結婚，及後被nowTV睇中搵佢返香港做主持，而喺2年幾前黃心美疑因長期分隔異地而同老公離婚。
黃心美現時喺ViuTV備受力捧，除咗主持節目之外，佢仲被安排拍劇，有唔少演出機會。