求驗客手記:車迷都係冧夏薩特

求驗客手記:
車迷都係冧夏薩特

應屆英超冠軍車路士喺周日舉行年度頒獎禮,「雙料足球先生」兼英超最佳球員嘅尼高路簡迪,成為隊友投選嘅車仔球員先生。不過,由球迷投選嘅足球先生就落喺今季射入16球嘅夏薩特身上,佢係繼林柏特後,第二位三奪呢個獎項嘅車仔兵!另外,夏薩特喺主場擊敗阿仙奴3:1嘅次循環聯賽射入solo金球,更獲選為年度最佳金球。