趙哲妤飯局被摸掟筷子

趙哲妤飯局被摸掟筷子

袁潔儀與趙哲妤等昨日於灣仔出席福音電影《極鬪III之雅博渡口》佈道會,剛從北京回來的趙哲妤,在當地接拍廣告,笑言賺人仔很開心。問到她在內地工作需要額外應酬嗎?她說:「都會驚,內地廣告商都會叫我食飯飲酒,曾經試過食飯時攞起筷子,有人摸我隻手,我即刻發脾氣掟筷子走咗,𠵱家會小心啲,得體咁拒絕人,如果飲威士忌,自己就斟杯茶。又試過影相嘅時候有人攬腰,我都會搵隻手格開佢。」
袁文傑最近人氣急升,昨日為無綫講波,同樣是亞視出身的袁潔儀大讚:「佢掂啦!佢好勁㗎,踢波係佢嘅愛好,佢愛嗰隊贏波,要請食飯。」
採訪:羅慧敏
攝影:仇志德