【港珠澳橋造假醜聞】
【本報訊】港珠澳大橋香港段工程早前爆出混凝土測試涉嫌造假醜聞，廉政公署拘21人。當局多番強調大橋結構良好，拒絕直接進行石屎抽芯等深入測試，堅持如期通車。土力工程處前處長指，事件未去到結構安全問題，抽石屎芯可能令大橋千瘡百孔；但有業界人士建議抽取部份石屎芯，對比打石屎槍的數據。
土力工程處前處長陳健碩（圖）昨出席《城市論壇》時說，擔心抽石屎芯會鑽到新橋千瘡百孔，因大型橋樑內裏多鋼筋，不應貿然抽取，「如果一嚿石屎鑽咗出嚟係包埋鋼筋嘅，都做唔到任何測試」。他又說，事件未去到結構安全問題，「如果話係豆腐渣工程，都要買到豆腐渣先得㗎，供應商冇問題，又點賣豆腐渣出嚟？」
「一日未通車 梗唔會冧」
建築業承建商聯會副會長袁雄偉也相信，大橋結構仍安全，基於合約責任，一日未證實有安全問題，承建商必定會繼續施工，「一日未通車，未有最後重量放上去，梗唔會冧啦」，但認為政府可在合適位置抽取足夠樣本化驗，以釋公眾疑慮；袁雄偉建議政府在顧問工程招標過程應更嚴謹，又倡縮短合約期以防顧問與實驗室職員串通。
專業審核師學會會長盧耀就指，石屎槍取得的樣本可能有偏差，贊成抽取石屎芯作對比。他指政府應加強監管實驗室人員，令其需就化驗結果負責任。台下有人質疑大橋安全，指政府必定在此問題上護短，強調專家不應盲目支持；有市民發言指應以人命作第一考慮，建議拆卸大橋。
■記者李詠希
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk