長實地產（1113）上星期開售荃灣新盤，數以千計嘅百萬富翁喺售樓處坐定定、眼甘甘望住螢幕等抽籤結果，仿如時光例流20年，去返1997年全城搶樓嘅大時代。不過今次最落力搶樓嘅，再唔係投資者，而係一班「孝父賢母」。
長實樓神趙國雄噚日都話，觀察到上星期五樓盤開賣嗰時，好多都係父母帶埋仔女一齊去，覺得啲父母喺能力許可下，都會協助仔女置業，佢形容「（買樓）係相當之好嘅親子活動，父母又安心，囝囡更加開心。」
照佢咁講，呢個仲可能喺全世界最貴嘅親子活動㖭！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk