祖雲達斯上周六率先完成意甲煞科，作客半力出擊一樣反勝博洛尼亞2:1，但奠勝球喺補時階段先發生，入波嘅摩斯堅恩，係一名科特迪瓦裔嘅17歲年青前鋒，而佢亦打破一項紀錄，就係成為五大聯賽中首位喺2000年後出世嘅入波球員。至於教練艾基利，就已經將集中力放喺周六鬥皇家馬德里場歐聯決賽身上，但提醒球員最緊要以歡樂同熱情來迎接呢場大戰。