曾經做過中央政策組首席顧問、規劃環境地政局局長嘅蕭炯柱（圖中），佢2002年退休之後就遠離政治是非圈，投入音樂教育工作，2009年仲成立香港青年音樂交流基金，培訓中國同香港年輕人，佢噚日好罕有咁上電台，講佢音樂工作，仲話計劃趁回歸二十周年，喺香港、廣州同倫敦，分別舉辦青年音樂會慶祝香港回歸。
但叫得蕭炯柱上電台，梗係唔會只談音樂，必定講到政治嘢，回歸前佢做過運輸司，曾與內地政府傾過興建新機場，咁自然要講講點同內地打交道，特別係嚟緊又要同內地傾高鐵一地兩檢問題，蕭炯柱話同內地交流最重要係「用心」，就好似當年傾起新機場，雖然內地最初反對，但佢「用心」同內地官員解釋，最後都成事，所以傾一地兩檢亦要「用心𤌚解決，只要為香港好，即使冇得傾、唔想解決，最後都會搵到方法解決。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk