中環在線:細劉父子現身德福偷師? - 李華華

中環在線:
細劉父子現身德福偷師? - 李華華

有錢人唔一定只在中環置地或ifc出沒!噚日中午時間,華華喺九龍灣德福廣場遇見利福國際(1212)老闆劉鑾鴻(細劉)同佢個仔劉今晨,兩人T恤西褲casual wear,急步行,似係搵路落去商場停車處。
奇就奇在,利福旗下兩個崇光百貨,一個喺銅鑼灣,另一個喺尖沙嘴,劉氏兩父子因乜事走到去九龍灣呢?唯一諗到係,利福舊年底以74億元投得啟德一幅商業地,兩人可能去開啟德睇地盤,再去德福行一轉。
又或者,一田百貨做緊優惠日,九展都有個場,話唔定兩人想去見識下。佢哋做百貨生意,都應該多啲shopping喇。不過兩人真係好casual,全身黑藍灰,冇保鑣助手跟身,其實都幾街坊feel。

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk