有「巨胸翠如」之稱嘅鄧月平（Larine），佢嘅36F身材真係非常偉大，而佢又不時喺IG post相益街坊，深得網民歡心。
昨日係星期日，Larine似乎偷得浮生半日閒，同屋企人去海洋公園family day，去海洋公園又點可以唔搭纜車呢？而Larine嘅4歲大細佬似乎就唔係咁適應，Larine喺IG post片，阿細佬喺纜車好驚驚挨喺Larine心口，仲一直左望右望。
而細佬呢個動相信喺唔少男士心中真係夢寐以求，有唔少網民留言話：「小弟弟真識揀」、「放開個小朋友等我嚟」、「好羡慕哦」、「小朋友：我願意同你交換」等等，仲有網民大讚Larine有母愛，不過點都好相信網民啲口水已經滴晒落keyboard。