【龍舟實戰】記者跟操個半月　掹衫尾落場比賽

【龍舟實戰】記者跟操個半月　掹衫尾落場比賽

訪問龍舟教練胡國威Lister Woo後，記者帶了幾位同事試扒，辛苦但過癮。記得在第一個乜都唔識的周三晚上，胡裏胡塗便摸黑被趕到船上，大大力喘氣死命跟着前面的隊友扒上扒落，心跳率直逼90%，扒完個半鐘幾乎自斷雙臂……從此每逢周三晚和周六早上，便來到深水灣跟香港遊艇會龍舟隊一齊操。

船上感受的龍舟賽跟旁觀完全是另一個角度，從前不懂欣賞的賽事現在才看得肉緊。

平日跟一班好手練習時，臉容可以扭曲多一百倍。

比賽日一般都有兩三場比賽可以扒，隊長視乎情況隨時變陣。

比賽與比賽之間有時相隔個幾鐘，落場前圍圈熱身少不了。

各位以為端午正日先有龍舟賽？其實香港一年有成50場龍舟賽在各個灣頭舉行！跟操個半月，未到端午就已有機會入隊跟住冠軍級龍舟隊，落場參與深水灣龍舟賽。當日朝早到場，沙灘上已堆滿人，隊伍各自圍圈熱身，加上現場音樂其實似party多過比賽。而這天終於有機會成為男女混合隊伍一員落場比賽。

記者：曾冠輝
攝影：梁志永、張志孟、伍慶泉

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily

比賽前當然嗌番聲。

500米賽程不長，2分零鐘了事，起步一刻是關鍵。

贏，飲酒。輸，飲酒。比賽物資必備啤酒，完事後指定動作。

女子隊極強，贏得亞軍，跟冠軍隊只差個龍頭。