啟德天寰開放式至兩房數量超過六成半，三房以上大單位比例只有三成多啲，大戶選擇少，示範單位當然要睇多兩眼。呢款係三房戶中最大碼，大廳闊度約10呎，客飯廳唔計玄關位，面積唔夠200呎。如果將玄關旁工作間拆咗，大廳空間感會更加強；睡房面積接近60呎新盤嚟講算係合理。
套房同旁邊睡房係例俾要打通嘅，望落寬趟啲；套房原有空間其實算係新盤預期之內；大碼衣帽間係呢款戶型嘅賣點；套房浴室以長形設計，浴缸旁有淋浴間。廚房通道特別闊落，似返個大戶之家。
再睇睇交樓標準先，唔放傢俬個大廳係咁嘅，睡房闊度約6呎7吋；套房外連工作平台；鏡頭遠處個凹位係衣帽間，約4呎9乘5呎3，交樓標準嘅浴室，用料配搭簡約。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk