馬德里體育會球星基沙文喺啱啱完咗嘅球季表現突出，西甲上陣36場入咗16球，仲盛傳佢會轉會曼聯㖭。不過基沙文就喺個人Twitter暗示自己唔會去曼聯，話傳言都係冇根據嘅，但又話自己嘅未來會同自己嘅體育顧問傾完之後先至有方向，即係唔否認自己可能離隊啦，馬體會球迷真係未可以放心住。
至於基沙文自就冇你咁好氣，日前佢就趁得閒去咗波士頓，親身入場睇咗NBA東岸決賽塞爾特人對騎士嘅第五場比賽。不過著住塞爾特人波衫捧場嘅基沙文，賽前雖然有機會同因傷提早收咗咧嘅I湯馬士見面，可惜就見證住綠軍畀騎士大炒135:102，總場數輸1:4而出局，唔通係佢黑腳累綠軍輸波？！