澳洲年輕騎師史卓豐這天周末清晨，本應和其堅索女友Hannah好夢正酣，但卻被一位廐主召到場，為的只試一匹戰馬。
原來史卓豐這天現身晨課，純粹只為了替苗禮德馬房「常拼常勝」進行最後備戰，該駒先由助手在機坪熱身，期間史卓豐、苗禮德一左一右，在旁觀察馬兒一舉一動，顯得非常重視，跟住豐豐便上馬，策牠步往內圈快踱一圈，作賽前最後催谷狀態。而豐豐全朝獨試此駒，操完便歸家搵Hannah去，可謂有晒搏殺手影。
「常拼常勝」列陣周日(28日)第六場四班1400米，此匹四歲馬服役14戰，13次有獎金收，演出極準繩，但卻可惜未勝，幕後一定不甘心。近兩仗用蔡明紹跑同程1400米，加埋輸唔夠一馬位，非常冇運。今次改配騎功更可靠之史卓豐，有運抽1檔，難怪豐豐咁緊張，臨跑前係要操番課先安樂了。