早前白鴿黨立法會議員許智峯狙擊政府「狗仔隊」後，噚日立法會行管會開會，決定正式跟進事件，將會透過立法會秘書處去信政府行政署跟進。其實唔少政府司、局級高官，都持有進入立法會嘅長期證，令一眾議員覺得有問題嘅，係立會秘書處過去一年共發出幾百張「臨時證」，當中除咗去立會開會嘅公務員外，有唔少屬於「狗仔隊」。
八方聽聞，噚日除咗泛民，亦有建制派議員唔妥班狗仔隊成日贒實佢哋出入，向泛民吐苦水，話班狗仔隊「未必係想贒住你哋，係想贒我哋箒！」有議員慨嘆，自己嘅老婆或老公都未必知自己去咗邊，但𠵱家喺立會去次廁所，政府都知道！據知唔少議員會上，都覺得立法會有需要追問行政署，究竟政府透過「狗仔隊」收集咗邊啲議員資料，質疑政府現時未經議員同意下，收集議員個人資料有可能已侵犯議員個人私隱。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk