上次立會內務委員會開會，主席李慧琼冇交代同副主席郭榮鏗喺政務司司長張建宗定期會面時，投訴特首梁振英涉修改調查專責委員會嘅研究範疇事件，當時張話會喺本周定期會面回覆。到噚日開會，琼子就主動交代，佢引述張話特首自己已回應，所以佢「無補充」，又話特首已答應6月1日去立會答問大會，到時議員可直接向特首提質詢喎！
張建宗表面上有答等於冇答，但有議員話其實佢等於話，今次689單嘢唔關佢事，議員有乜嘢直接問689，唔好搞到佢！事實上唔只張想置身事外，唔少問責官員、行會成員都閃得就閃，唔想出聲撐，有政界人士話有次同個官傾呢單嘢，對方都話冇眼睇，仲好認同葉劉話，689作為特首日日追打梁繼昌唔恰當，𠵱家只望快快到七一，等個政府可以正常番。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk