香港攝影師蘇嘉進（Francis）再度揚威國際！佢用縮時攝影（timelapse）及超行縮影拍攝嘅短片《ESCAPE》，喺今屆葡萄牙電影藝術及旅遊節「Finisterra Arrábida Film Art & Tourism Festival」中，獲得最佳音樂視頻第二名。
呈現港美景及打工苦況
佢話今次係首次用人物主導創作短片，能夠係芸芸高水準作品中脫穎而出，十分驚喜。
《ESCAPE》講嘅係香港人從工作地獄逃脫到郊外天堂嘅故事。Francis用咗半年時間，將中環、金鐘、尖沙嘴繁忙都市人與事，同埋飛鵝山、大澳、大帽山等美麗風景記錄低，並以人物主導，將香港人係「全球最長工時城市」打工苦況呈現。
Francis話，香港工作環境極不平衡，每個人只係掛住工作，係生存唔係生活，其實好悲慘；又話工時過長，令人忽略好多值得去做嘅事，包括陪伴家人、花時間自我調整心靈，希望港人能夠反思。
想欣賞獲獎短片，可以去以下連結： https://www.facebook.com/franso/videos/1333048266732449/
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk