狼英衰樣，唔敢應戰，去立法會大剌剌回應委員的提問。沒有最狼，只有更狼，試吓咁答啦stupid：
1，近期最神的潮語是：目測！經我本人目測，肯定UGL調查範圍超低能，冇高人指點，唔會上到我身！
2，炒作UGL，到底有幾多香港人關心？冇！一個都冇！再炒下去，實燶！全香港陪你們悶燒窒息！20個泛民議員，謀殺全香港市民，還有糧出，公義咩？
3，某議員自編自導自演，我花了N天，翻睇又翻睇他的fb，睇到我悶出鳥來。以戲論戲，他這套絕對係爛片！100分滿分計，只值7分！
4，我有權表達，但我唔需要回應針對性、吓吓拮到肉的質詢。來到立法會，令我想起被擲杯的暴力恐嚇，立法會已經被暴力集團騎劫，遲早會對我本人作出恐襲，這是我不得不關注的危機。請保安局啟動最高警戒級別，我要避彈衣！
5，我唔可能係曾公第二！連一支筆一張凳都已經抹走晒指紋，撇清晒關係，方方面面，白過白紙！就算挖到落萬七呎地底下面都無人可以檢控到我！除非，so amazing！閻羅王喺西九執法！