因欠租被執達吏封舖嘅中環獨立二手書店FlowBooks，早前搞眾籌希望書友們救救小店。店主樹單噚日報喜話眾籌已達標，兩周內成功籌得逾15萬元，成功爭取到同業主重新對話機會。
佢又話，會先償還部份欠租，但要傾長遠還款時間表同新租約，未知書店幾時可以重開，但會定期做漂書活動等識書人有書睇。
樹單話，眾籌期間收到好多慰問，感謝大眾對佢嘅信任，又認同書店背後分享嘅精神。不過FlowBooks書店問題其實未解決，佢透露欠租不止15萬元，今次只係先還部份欠款，正等待有心人聯絡商討資金協助。
為改善書店困境，日後FlowBooks會轉為社會企業形式營運，由義工組成管理委員會，仲會啟動第二階段眾籌，暫定推出讀者定額訂閱取書，以維持穩定收入。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk