小米剛發表了6.44吋大屏幕手機Max系列新機Max 2，不過規格方面同第一代相差無幾，比較明顯的改動是將電池由上代4,850mAh提升到5,300mAh，價位方面分別是64GB版本1,699人民幣及1,999人民幣，吸引力唔同。反而早在2月時小米發表的紅米Note 4X初音未來限定版就更有睇頭，近日水貨開始反攻日本，炒價開賣下仍好快被買斷。紅米Note 4X初音未來限定版在5月開始在東京秋葉原現身，不連初音流動電源及手機殼的單機賣28,944日圓（約$2,025），售價已比中國限定套裝版定價1,299人民幣（約$1,468）為高。到日前紅米Note 4X初音未來限量套裝終有現貨在秋葉原現身，連埋10,000mAh流動電源及機殼，價錢更高開到49,800日圓（約$3,483），比原價貴上接近1.5倍。價錢貴咁多有冇人買？雖然無講現貨有幾多，但網站報道即日已賣斷市，都算係一個小奇蹟。
資料來源：Akiba Watch
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
