友邦（1299）靈魂人物杜嘉祺被匯控（005）挖角，今年股東會就有唔少小股東話擔心，唔知新任CEO黃經輝可唔可以繼續保持友邦份靚靚業績。
其實又難怪香港一班小股東，因為62歲嘅馬來西亞華人黃經輝真係比較低調，閒時好少出席香港活動，反而多接觸分析員同芬佬。
黃生下月正式坐正，適逢友邦延長同英超球會熱刺合作，噚日黃生就同班球員一齊在港見傳媒，首次以準CEO身份出席公開活動。
黃生只喺台上講咗一陣，同杜嘉祺風格一樣，對住傳媒都係「滴水不漏」，答問題好小心，但就冇被嚇窒。好似被問到熱刺logo係藍色，但AIA係紅色，咁波衫上面AIA三個字母係咪要改藍色先？黃生笑咪咪、幽默得來帶點霸氣反問：點解唔係熱刺轉紅色先？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk