周日（28日）為十場田草的遮打盃大日子，並採用全闊A欄作賽。
跑道寬闊對後上馬頗為有利，睇番最近4月30日同一移欄，當日頭六場賽事，總共有五匹頭馬早段留守中間或較後位置，入直路憑後勁衝贏對手勝出；不過到尾段場次卻全部由前置馬勝出，其中「勇霸神駒」、「新寫實派」及「獅子驄」更加放頭入直路帶返終點，要提防臨場形勢會逆轉。
今戰列陣馬中，參戰第六場四班1400米的「承你所願」上仗初出正是於4月30日田A欄贏馬，勝後其練馬師蘇偉賢等番同一移欄，再用莫雷拉去跑，睇部署有心想添食。
另外，角逐第三場四班1600米的「有衝勁」最近一次贏馬在A欄所得，亦係全場唯一贏過此移欄之參戰馬，憑較佳場地性能，此李易達馬房賽駒夥拍華將黎海榮可回復表現。