影片：http://bit.ly/2rT8YCx
當有一日當大家搭飛機時，見到空中服務員戴住類似VR眼鏡的裝置招待你的時候請唔好覺得太驚訝，因為真係有航空公司唔係只諗住要點樣拖你落機，而係想知道你諗咩而想作出最合適的服務。Air New Zealand新西蘭航空正同Dimension Data合作，透過Microsoft HoloLens裝置去判斷乘客面部表情而得知乘客的心情，當乘客出現「Anxious」（焦急）情況時，就要好似打機一樣盡快用適當行動安撫乘客情緒及提供相應服務，而且空中服務員的HoloLens裝置屏幕上更會顯示出乘客其他資料，如目的地、上次提供飲料的時間甚至有否對任何事物過敏的資料。第一次睇這段影片時還以為是愚人節惡搞片，但再睇返影片上載日期兼且航空公司的新聞稿，先發現這項研究原來都幾堅；不過至今都未交代幾時會應用到這項技術，但相信都唔會係短期的事。
資料來源：The Verge
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily